Një diskutim rreth çajit jeshil, çajit të zi dhe kafesë

Nëse kafeja është e dëmshme, po çaji i zi dhe çaji jeshil?

Çaji i zi dhe jeshil: Dallimi është më shumë sesa ngjyra

 

Pyetja e lexuesit: Degjojmë që kafeja është e keqe, edhe çaji i zi dhe nuk duhen pirë. Po çaji jeshil?

Përgjigje

Pyetje e mirë, madje shumë e mirë. ..Të dyja janë e njëjta bimë. Shumica e njerëzve mund të mos e kuptojnë, që të dyja këto çajra vijnë nga e njëjta bimë. Në fakt, janë vetëm ndryshimet në përgatitjen dhe oksidimin që u japin atyre profile të veçanta të aromës. Çaj i zi realizohet nga prerja e gjetheve të bimës Camelia Sinensis kur është në kulmin e freskisë. Pastaj gjethet lihen të thahen dhe sasia e ujit në bimë largohet në mënyrë natyrale. Ndërsa gjethet lihen të thahen, ndodh procesi i oksidimit të tyre dhe fermentimi. Përbërja kimike e gjetheve të çajit ndryshon përmes fermentimit: sa më gjatë që gjethet lejohen të oksidohen, aq më të errëta do të jenë gjethet. Një proces i gjatë oksidimi është ai që i jep çajit të zi, aromën e tij të veçantë.

Ndërsa procesi i përgatitjes për çajin jeshil fillon në të njëjtën mënyrë, por sasia e fermentimit është e ndryshme, duke dhënë rezultate drastike të ndryshme. Gjethet e çajit jeshil ndonjëherë lejohen të thahen pak, ato zakonisht thahen në furrë ose gatuhen në avull për të parandaluar që të ndodhë oksidimi. Meqenëse gjethet nuk i nënshtrohen fermentimit, ato mbajnë ngjyrën e tyre të gjelbër dhe prodhojnë një shije më të lehtë.

Lind pyetja tjetër: Përse atëherë ndryshojnë në përfitime çaji jeshil dhe i zi, ndërkohë që vijnë nga e njëjta bimë? Sepse çaji i zi është fermentuar plotësisht dhe gjatë këtij procesi polifenolet oksidohen dhe mund të humbasin efektet e tyre antioksiduese. Edhe lloji dhe sasia e flavonoideve që ato përmbajnë, ndryshojnë. Për shembull, çaji jeshil përmban një sasi shumë më të lartë të epigallocatechin-3-gallate (EGCG), ndërsa çaji i zi është një burim i pasur i theaflavin.

Çaji jeshil dhe çaji i zi, përfitime të ngjashme për kolesterolin dhe shëndetin e zemrës

Flavonoidet në çaj jeshil dhe çajin e zi mendohet se mbrojnë zemrën. Një studim në kafshë zbuloi se çaji jeshil dhe ai i zi ishin po aq të efektshëm në parandalimin e formimit të pllakave të enëve të gjakut me 26% në dozën më të ulët dhe deri në 68% në dozën më të lartë. Studimi gjithashtu zbuloi se të dy llojet e çajit ndihmuan në uljen e kolesterolit LDL (të keq) dhe triglicerideve. Për më tepër, dy rishikime që ekzaminuan mbi 10 studime cilësore secili zbuluan se pirja e çajit jeshil dhe e çajit të zi mund të ulin presionin e gjakut.

Një tjetër përmbledhje e studimeve të çajit jeshil zbuloi se njerëzit që pinin 1-3 gota në ditë kishin 19% dhe 36% më pak rrezik infarkti dhe goditjeje në tru, krahasuar me ata që kishin më pak se 1 gotë çaj jeshil çdo ditë. Në mënyrë të ngjashme, pirja e të paktën 3 gotave çaj të zi mund të zvogëlojë rrezikun e sëmundjes së zemrës me 11%. Të dy çajrat mund të përmirësojnë funksionimin e trurit.

Ku ngjasojnë dhe ku ndryshojnë dy çajrat mes tyre si dhe me kafenë?

Caji jeshil dhe çaji i zi përmbajnë kafeinë, një stimulues i njohur. Por çaji jeshil përmban më pak kafeinë, sesa çaji i zi – rreth 35 mg për filxhan (230 ml), krahasuar me 39-109 mg për të njëjtën filxhan të çajit të zi. Kafeina stimulon sistemin nervor duke bllokuar adenozinën, një neurotransmetuese frenuese. Kafeina nxit gjithashtu lëshimin e neurotransmetuesve që përmirësojnë gjendjen shpirtërore si dopamina dhe serotonina. Pra, ajo është një stimuluese, rrit gatishmërinë, gjendjen shpirtërore, vigjilencën, kohën e reagimit dhe rikujtesën afatshkurtër. Kafeja përmban më tepër kafeinë sesa çaji i zi dhe ky i fundit shpesh ka ndjeshëm më tepër kafeinë se çaji jeshil. Prandaj ideja më e mirë është të pini çaj jeshil.

Dallimi themelor

Por çaji jeshil është një burim i shkëlqyeshëm i epigallocatechin-3-gallate, një antioksidant i fuqishëm që shënohet shkurt EGCG. Megjithëse çaji jeshil përmban polifenole të tjera, si katekina dhe acidi galik, EGCG konsiderohet të jetë përgjegjësi më i fuqishëm dhe i mundshëm për shumë nga përfitimet shëndetësore të çajit jeshil. Ky antioksidant bën dallimin kryesor mes çajit jeshil dhe atij të zi.

    Një listë e përfitimeve të mundshme të EGCG në çaj jeshil:

  • Antikancer. Studimet kanë zbuluar se EGCG në çaj jeshil mund të pengojë shumëzimin e qelizave kancerogjene dhe të shkaktojë vdekjen e qelizave kancerogjene.
  • Sëmundja e Alzheimerit. EGCG mund të zvogëlojë efektet e dëmshme të pllakave amiloide, të cilat grumbullohen në pacientët e Alzheimerit.
  • Anti-lodhje. Një studim zbuloi se minjtë që konsumonin një pije që përmbante EGCG kishin kohë të zgjatur të notit, krahasuar me ata që pinë ujë.
  • Mbrojtja e mëlçisë. EGCG është treguar se zvogëlon zhvillimin e mëlçisë së dhjamosur në minj në një dietë të pasur me yndyrë.
  • Anti-mikrobial. Ky antioksidant mund të shkaktojë dëme në muret e qelizave bakteriale dhe madje mund të zvogëlojë transmetimin e disa viruseve.
  • Qetësues. Mund të bashkëveprojë me receptorët në trurin tuaj për të ushtruar një efekt qetësues në trupin tuaj.

 

Asetet e çajit të zi, theoflavinat

Ndërkohë që çaji jeshil shquhet për përmbajtjen e EGCG, një antioksidant i madh, çaji i zi përmban theaflavinat e dobishme. Theaflavinat janë një grup polifenolesh që janë unike për çajin e zi (gjenden pak tek çaji jeshil). Ato janë formuar gjatë procesit të oksidimit dhe përfaqësojnë 3-6% të të gjitha polifenoleve në çaj të zi. Theaflavinat duket se ofrojnë shumë përfitime shëndetësore të lidhura me aftësinë e tyre antioksiduese. Këto polifenole mund të mbrojnë qelizat yndyrore nga dëmtimi nga radikalet e lira dhe mund të mbështesin prodhimin natyral të antioksidantit të trupit tuaj. Për më tepër, ata mund të mbrojnë zemrën dhe enët e gjakut.

Një studim në kafshë zbuloi se theaflavina mund të ulë rrezikun e formimit të pllakës në enët e gjakut duke zvogëluar inflamacionin dhe duke rritur disponueshmërinë e oksidit nitrik, i cili ndihmon që enët e gjakut të zgjerohen. Për më tepër, theaflavinat janë treguar se ulin ndjeshëm nivelin e kolesterolit dhe sheqerit në gjak. Ato madje janë rekomanduar si një ndihmë e mundshme për menaxhimin e mbipeshës. Në fakt, theaflavinat në çajin e zi mund të kenë të njëjtën aftësi antioksiduese, si polifenolet në çajin jeshil.

Megjithatë, shumica e hulumtimeve tregojnë se çaji jeshil ka veti antioksiduese më të forta se çaji i zi, por një studim zbuloi se çajrat jeshil dhe të zi shfaqin kapacitete po aq efektive antioksiduese. Ne do marrim për bazë studimet më të shumta, që flasin për çajin jeshil si antioksidant më i fortë. Megjithëse të dyja përmbajnë kafeinë, çaji i zi zakonisht ka më shumë kafeinë, duke e bërë çajin jeshil zgjedhjen më të mirë për njerëzit e ndjeshëm ndaj këtij stimuluesi. Për më tepër, çaji jeshil përmban më shumë L-theaninë, një aminoacid që qetëson dhe që mund të balancojë efektet e kafeinës. Sidoqoftë, nëse po kërkoni të merrni nëj dozë kafeine që nuk është aq e fortë sa kafeja, çaji i zi mund të jetë një opsion për ju.

Një përbërës që dallon çajin e zi nga kafeja

L-theanina e çajit të zi mendohet se kalon pengesën gjaku-tru dhe shkakton lëshimin e një neurotransmetuesi frenues në tru, të quajtur acid gamma-aminobutyrik (GABA), i cili sjell një gjendje të relaksuar, por vigjilente. Në të njëjtën kohë, L’theanina nxit lëshimin e hormoneve që rritin gjendjen shpirtërore dopaminën dhe serotoninën, ashtu si kafeina. Por L-theanina mendohet se balancon efektet e kafeinës. Në përgjithësi, ekziston më shumë L-theaninë në çaj jeshil, sesa në çajin e zi, megjithëse sasitë mund të ndryshojnë në mënyrë të konsiderueshme.

Matcha ose çaji jeshil pluhur, ka një përmbajtje shumë më të lartë të kafeinës, sesa çaji jeshil me gjethe. Sasia e kafeinës që konsumoni nga çaji jeshil varet nga shumë gjëra: shumëllojshmëria që ju zgjidhni, nëse ajo përfshin gjethe- sytha (të cilët përmbajnë më shumë kafeinë), dhe nëse është pluhur ose përdorur e gjithë bima

Mbani në mend se si çaji i zi dhe jeshil përmbajnë tanina, të cilat mund të lidhen me minerale dhe të zvogëlojnë aftësinë e tyre absorbuese. Prandaj, çaji mund të konsumohet më së miri midis vakteve dhe nuk është mirë të merret afër me ushqimin

 

Studimi kinez: Pini 3 gota çaj jeshil në javë, të jetoni më gjatë

Nga Richard Whitehead

Në Azi, ku çaji merret me të vërtetë shumë seriozisht, një studim i shpejtë ka sugjeruar mënyra të reja dhe emocionuese, se çaji është tepër i mirë për trupin. Kjo nuk është aspak befasi, kur merrni në konsideratë numrin e madh të adhuruesve të çajit jeshil në Turqi. Turqit janë konsumatorët më të mëdhenj në botë të çajit për frymë si  dhe Kina. Shkencëtarët në Pekin kanë lidhur pirjen e çajit me krijimtarinë. Edhe studiuesit e Queensland kanë treguar se gratë që pinë dy gota në ditë janë më aktive fizikisht.

Studimi më i fundit i dha gëzim të dashuruarve të pijes së dytë më të konsumuar në botë pas ujit, çajit Camellia Sinensis. Studiuesit në Kinë zbuluan se pirja e të paktën tre gotave çaji jeshil në javë mund të ndihmojë njerëzit të jetojnë një jetë më të gjatë dhe më të shëndetshme, pasi ata e lidhën pirjen e çajit me një rrezik më të ulët të sëmundjeve të zemrës dhe të goditjes në tru.

Gjatë shtatë viteve, pirja e rregullt e çajit kishte ulur 20% rrezikun e incidenteve të sëmundjeve të zemrës dhe goditjes në tru, uli 22% rrezikun për ngjarje fatale të zemrës dhe goditjes në tru dhe 15% rrezikun e vdekjes nga të gjitha shkaqet. Studiuesit vlerësuan se nga pirja e një çaji të zakonshëm, një 50-vjeçar do të zhvillonte sëmundje koronare të zemrës dhe goditje 1.41 vjet më vonë dhe do të jetonte 1.26 vjet më gjatë, se ata që kurrë ose rrallë kishin pirë çaj. Kur panë llojin e çajit, studiuesit zbuluan se pirja e çajit jeshil ishte e lidhur me rreziqe më të ulëta, por nuk kishte asnjë lidhje me uljen e rrezikut, pirja e çajit të zi. Pirja e çajit jeshil ishte shoqëruar me uljen 25% të rrezikut nga sëmundje të zemrës ose nga goditja në tru, sëmundje fatale të zemrës dhe goditje në tru dhe vdekje nga të tëra shkaqet. Sidoqoftë, asnjë lidhje domethënëse nuk u vërejt për çajin e zi. “Efektet e favorshme shëndetësore janë më të fuqishmet për çajin jeshil dhe për pirjen afatgjatë të tij,” tha Dr. Ëang Xinyan, nga Akademia Kineze e Shkencave Mjekësore, i cili ishte autori kryesor.

 

Dëshmi

Twyford, i cili drejton plantacionet e çajit jeshil në Malajzi, kujton se kur punonte si agronom i çajit në Kenia, vuri re se njerëzit jetonin më gjatë, sesa në fshatrat rrotull. “Dallimi i vetëm në dietë ishte se punëtorët që punonin në plantacionet e çajit u jepeshin dy gota çaj për të pirë çdo ditë. Ata kishin të njëjtën dietë si njerëzit në fshatrat përreth, përveç çajit.” Kur u transferua në Malavi, ai pa të njëjtën gjë. Punëtorët që merrnin çajin e tyre dy herë në ditë, ishin padyshim më të shëndetshëm dhe dukej se jetonin më gjatë.

Përmbajtja e kafeinës sipas Klinikës Mayo, për 30 ml pije

  • Kafeja 96- 62 mg
  • Caji i zi 47 mg
  • Caji jeshil 28 mg
  • Pijet energjike nga 29 deri 215 mg kafeine

 

Avantazhet e çajit kundrejt kafesë

Çaji jeshil qetëson, ndërkohë që kafeja nervozon dhe shkakton ankth

Ndalimi i pijes me përmbajtje kafeine mund të shkaktojë simptoma të tërheqjes apo varësisë ashtu si droga. “Nëse pini shumë kafe, dhe më pas përpiqeni ta rralloni ose ndaloni, mund të ndjeni dhimbje koke”, thotë Paz. Kalimi nga kafeja tek çaji jeshil mund të mos shkaktojë të gjitha simptomat e varësisë së kafeinës, sepse çaji jeshil akoma përmban afërsisht 20 deri 30 miligram kafeinë për filxhan. Nëse jeni duke kaluar nga ekspresi shumë i fortë në një filxhan çaj jeshil, mund të keni dhimbje koke, nervozizëm, vështirësi në përqëndrim dhe mungesë përqendrimi për një kohë të shkurtër, derisa trupi juaj të normalizohet.

Mund të ndjeni ankth dhe probleme me gjumin.

Ndërprerja e niveleve të kafeinës duke pirë çaj jeshil mund të ndihmojë në uljen e ankthit dhe përmirësimin e gjumit, veçanërisht nëse ndodh të jeni të ndjeshëm ndaj kafeinës. “Përmbajtja më e lartë e kafeinës në kafe mund të ndikojë negativisht tek njerëzit që janë të ndjeshëm ndaj kafeinës,” thotë Bustle Ramzi Yacoub, zyrtari kryesor i farmacive në SingleCare, shërbimi i recetave. “Ata mund të pësojnë ankth, pagjumësi dhe efekte në zemër si rritje e rrahjeve të zemrës ose rritje e presionit të gjakut.” Atëherë duhet të ulni nivelin e kafeinës duke kaluar tek çaji jeshil. Ndryshimi mund të ndihmojë në uljen e reagimit të ankthit në trup dhe zvogëlimin e simptomave të stimulimit të kafeinës, ndërkohë që ende ju merrni një dozë të vogël kafeine për të nisur mëngjesin.

Nga çaji jeshil do të konsumoni më shumë antioksidantë se në kafe

Caji jeshil gjithashtu përmban përbërës të ndryshëm që mund të ndihmojnë sistemin tonë imunitar, të luftojmë kundër infeksionit dhe të ulim rrezikun për sëmundje. “Një përfitim tjetër i çajit jeshil është sasia e antioksidantëve që ai përmban,” i thotë Paz Bustle. “Ndërsa kafeja e freskët gjithashtu ka antioksidantët e saj, çaji zakonisht ka një përqendrim më të lartë.” Caji jeshil në veçanti ka një shumëllojshmëri të antioksidantëve, që janë treguar se kanë veti që rritin shëndetin, dhe ka një përmbajtje më të lartë antioksiduese se kafeja.

Një nga antioksidantët më të studiuar në çajin jeshil janë katekinat, një përbërës që gjendet me bollëk në çaj, kakao dhe manaferra. Katekinat janë treguar në studime, se kanë veti antimikrobike, dhe një përmbledhje e shkencës e botuar në vitin 2010 zbuloi se ato gjithashtu kanë treguar se ulin rrezikun e sëmundjeve kardiovaskulare, ndihmojnë në parandalimin e sëmundjeve degjeneruese dhe ndihmojnë në funksionimin e veshkave dhe mëlçisë. Katekinat gjithashtu janë implikuar si një mënyrë e mundshme për të ulur rrezikun e kancerit të gjirit dhe të tjerë kancere, por vetëm kalimi nga kafeja, në çaj jeshil nuk do të ndryshojë automatikisht rrezikun e kancerit.

Zvogëlon inflamacionin

Inflamacioni, i cili është reagimi i sistemit imunitar ndaj kërcënimeve dhe stresit, është një faktor kryesor për t’ju mbajtur të shëndetshëm, por është gjithashtu një komponent në shumë gjendje shëndetësore, veçanërisht kur sëmundjet oersistojnë. Inflamacioni i vazhdueshëm i ulët ka qenë i lidhur me problemet e zemrës, artritin reumatoid, astmën, sëmundjet degjenerative dhe kanceret e ndryshme, sipas hulumtimit të publikuar në 2018.

Një studim në vitin 2018 zbuloi se çaji jeshil ka veti të mëdha anti-inflamatore dhe qetëson sistemin imunitar. Kafeja gjithashtu mund të zvogëlojë nivelin e inflamacionit, por vetitë e saj anti-inflamatore janë më të dobëta se ato të kafesë..

Për shëndetin oral

Shkëmbimi i kafesë së mëngjesit me çajin jeshil mund të përmirësojë ekuilibrin bakterial në gojë. Kalimi nga kafja, në çaj jeshil, mund të jetë një ndihmë e papritur për shëndetin oral. Kafeja mund të rrisë rrezikun për periodontitin -inflamacion të mishrave të dhëmbëve, sipas një studimi të madh të publikuar në PLOS One në 2018, dhe gjithashtu rrit rrezikun për errësimin e dhëmbëve. Një studim i publikuar në Oral Chemistry në vitin 2016 zbuloi se vetitë anti-mikrobike yë çajit të gjelbër mund të zvogëlojnë rrezikun e disa baktereve të dëmshme, që shtresëzohen në gojë me kalimin e kohës.

Të gjithë kemi një mikrobiomë orale, që është një koleksion i baktereve dhe gjallesave të tjera në gojët tona, që mund të ndihmojnë ose pengojnë shëndetin e tij. Një studim i publikuar në Epidemiology Cancer, Biomarkers & Prevention në 2018 zbuloi se pirësit e çajit kishin një mikrobiomë më të larmishme në gojë, sesa ata që pinë kafe, me sasi më të larta të baktereve të dobishme. Kjo mund të ndihmojë në parandalimin e infeksioneve. Caji mund të ndryshojë gojën tonë për mirë.

Merrni vetëm përfitimet e kafeinës

Kafeina mund të ketë përfitime në doza të vogla. “Kafeina është një stimulues efektiv për të ndihmuar në përmirësimin e performancës fizike dhe gatishmërinë mendore,”  thotë Yacoub Bustle. “Në disa studime, kafeina është treguar gjithashtu që zvogëlon diabetin tip 2”. Shkolla Mjekësore e Harvardit vë në dukje, se në doza të vogla, kafeina është treguar gjithashtu se ndihmon në mbrojtjen nga sëmundjet neurodegjeneruese si Alzheimeri.

Megjithatë, stimuluesit prishin balancat e organizmit, stimulojnë gjendrat adrenale dhe hormonet e stresit, të cilat janë gur themeli për përballimin e stresit fizik dhe mendor dhe mbijetesën dhe për këtë arsye nuk duhen shterruar dhe shpërdoruar. Përdorini stimuluesit bimorë vetëm kur është e nevojshme.

editor

Related Articles

1 Comment

Avarage Rating:
  • 0 / 10
  • Elba Rukaj , July 18, 2020 @ 7:27 pm

    Shume qarte mbi gjithçka ❤

Leave a Reply

Your email address will not be published.