Studimi i ri ka treguar se agjërimi mund të reduktojnë ndjeshëm efektet e plakjes në tru. Ka qenë e njohur se periudha të shkurtra të agjërimit të përhershëm kanë një efekt të fuqishëm anti-inflamator në të gjithë trupin. Shkencëtarët kryesorë tani besojnë se agjërimi e rregullt është një nga strategjitë kyçe për të maksimizuar funksionin e trurit. Hulumtuesit në Institutin Kombëtar të Plakjes në Baltimore kanë shqyrtuar literaturën dhe kanë kryer studime për të treguar efektet pozitive të agjërimit në shëndetin e përgjithshëm të trurit. Profesori Mark Mattson, kreu i laboratorit të Neuroshkencës në Institut, e bëri të qartë se këto përfitime nuk ishin të lidhura vetëm me kufizimin e kalorive.

2 fazat e mëdha fiziologjike: Ndërtimi dhe Pastrimi

Ushqimi stimulon trupin për të shkuar në fazën e ndërtimit, pasi ne në këtë fazë jemi anabolikë nga natyra dhe ruajmëë si ushqyesit, dhe toksinat. Kjo fazë është thelbësore për ndërtimin e qelizave të reja dhe ushqyerjen e indeve për kohën e mungesës së furnizimit me ushqim. Kjo fazë ndërtimi e fiziologjisë udhëhiqet kryesisht nga hormoni insulinë. Pas agjërimit për më shumë se 6 orë fillon faza e spastrimit. Faza e spastrimit është katabolike se ajo shkatërron qelizat e vjetra të dëmtuara. Ky proces kthehet në autofag të trurit ose “vetë-ngrënie”, ku qelizat riciklojnë mbeturinat, rregullojnë produktet e mbeturinave dhe riparojnë veten. Këto mekanizma gjenetike riparimi rikthehen me lirimin e hormonit të rritjes njerëzore (HGH).

Agjërimi i përhershëm është një nga mënyrat më të fuqishme për uljen e inflamacionit, rritjen e imunitetit dhe shpejtimin e shërimit të indeve. Kjo është një nga arsyet, pse shumë njerëz ndjejnë të përziera kur kanë infeksione. Ky mekanizëm prej natyre është rruga e trupit për të na ndihmuar të krijojmë mjedisin e duhur në trup për të rritur imunitetin natyror.

Agjërimi nxit hormonin e rritjes (HGH)

HGH është i njohur për të krijuar ndryshime fiziologjike në metabolizëm për të favorizuar djegien e yndyrnave dhe për të kursyer proteinat. Proteinat dhe aminoacidet përdoren për të përmirësuar trurin dhe përpunimin e informacionit prej neuroneve. Këta ushqyes gjithashtu riparojnë kolagjenin e indeve dhe përmirësojnë funksionalitetin dhe forcën e muskujve, tendinave, ligamenteve dhe kockave. Hormoni i rritjes HGH gjithashtu përmirëson funksionin e lëkurës, zvogëlon rrudhat dhe shëron më shpejt nga djegiet. Hulumtuesit në Institutin e Zemrës ‘Intermountain Medical Center’ gjetën se njerëzit, të cilët agjëruan për 24 orë, kanë pasur një rritje 2.000% të hormonit të rritjes në qarkullim. Gratë që ishin testuar, kishin një rritje 1.300% në HGH. Studiuesit zbuluan se individët që agjëruan, kishin ulur ndjeshëm trigliceridet, kishin kolesterolin e mirë, HDL dhe kishin stabilizuar sheqerin në gjak.

‘Dueli’ midis insulinës dhe HGH për të marr kontrollin e metabolizmit

HGH (hormoni i përtëritjes) dhe insulina janë të kundërta në funksion. Hormoni i rritjes (ripërtëritjes) HGH është i përqendruar në riparimin e indeve, përdorimin efikas të energjive dhe aktivitetin anti-inflamator imunitar. Insulina është projektuar për ruajtjen e energjisë, për të ndalur ndarjen qelizore dhe ka aktivitet pro-inflamator imunitar. Insulina është lojtar dominues në këtë lojë. Kur marrim karbohidrate dhe stimulojmë kështu prodhimin e insulinës, hormone i rritjes (HGH) frenohet. Ndërsa konsumi i shumë proteinave ose yndyrnave nuk do të stimulojë insulinën, por do të pengojë lirimin e HGH.

Studimet kanë treguar se ndërprerja e procesit të pastrimit nga qelizat e vjetra dhe të riparimit të tyreçon në gjendje të përshpejtuar neurodegjenerative në të gjithë trurin. Nivelet e larta të insulinës zvogëlojnë ritmin e riparimit të qelizave të trurit (pra frenon procesin e quajtur autofag nervor) dhe shkaktojnë probleme metabolike. Periudhave të shkurtra të agjërimit të rregullt janë thelbësore për trurin për t’u pastruar, që kjo makinë neuronesh dhe sinapsesh të reja të funksionojë në mënyrë optimale.

Agjërimi është ushtrimi i qelizave të trurit

Ekspertët besojnë se agjërimi i përhershëm i vë qelizat e trurit nën stres të butë, që është e ngjashme me efektet e ushtrimit mbi qelizat e muskujve. Stresi bën që ato të përshtaten për të marrë me efikasitet energji.Trupi rimëkëmbet nga stërvitja intensive nëpër dy faza: ndërtimi dhe pastrimi.

Agjërimi nxit faktorin neurotropik në tru (BDNF)

Nivelet e  faktorit BDNF qeverisin formimin e neuroneve të reja dhe zhvillimin e sinapseve (lidhjeve të reja) brenda trurit. Nivelet më të larta të BDNF çojnë në neurone më të shëndetshme dhe procese më të mira të komunikimit në mes të këtyre qelizave neurologjike. Nivelet e ulëta të BDNF janë të lidhura me çmendurinë, Alzheimerin, humbjen e kujtesës dhe probleme të tjera të përpunimit të trurit. Hulumtimet kanë treguar se periudhave të shkurtra të agjërimit kanë një efekt të madh anti-inflamator në të gjithë trupin, dhe mbi sëmundje të tilla si astma.

Strategjitë më të mira për agjërimit:

Mënyra më e mirë për të filluar agjërimin është duke i dhënë trupit tuaj pushim 12 orë në mes darkës dhe mëngjesit një ditë të javës. Kjo lejon 4 orë për të përfunduar tretjen dhe 8 orë që mëlçia të përfundojë ciklin e saj të detoksifikimit. Provoni të rritni kohën e agjërimit nga 12 në 16-18 orë. Përfundimisht, ju mund të arrini të qëndroni pa ngrënë 24 orë të plota një ditë në javë. Gjatë periudhës së agjërimit është mirë të pini pije spastruese të tilla si pijet e fermentuara (kosi), çaj bimor, ujë me ekstrakte ushqimore të infuzuara, ujë me limon ose ujë me uthull molle, etj. Këto rrisin procesin e pastrimit të organizmit, duke siguruar anti-oksidantë dhe mikroushqyes, që rrisin shërimin duke mos bashkëvepruar me insulinën apo nivelet e hormonit HGH.

Hapi paraprak para agjërimit

Mos nisni agjërimin menjëherë! Para se dikush të fillojë agjërimin, së pari duhet të heqë sa më shumë sheqerin dhe niseshtenë nga dieta. Kjo do të ndihmojë për të ruajtur më mirë ekuilibrin e sheqerit në gjak dhe për të ndihmuar rregullimin e insulinës dhe kortizolit- hormonit të stresit. Dieta duhet të jetë ndërtuar me yndyrna të mira, antioksidantë, proteina të pastra dhe fibra. Dieta para agjërimit mund të marrë tre deri në shtatë ditë për të stabilizuar sheqerin në gjak dhe hormone e stresit. Pasi trupi është i trajnuar siç duhet, shumica e njerëzve janë në gjendje lehtë të qëndrojnë pa ushqim për 16-18 orë. Mos harroni se agjërimet e zgjatura janë të dëmshme, pasi ato e lënë trupin pa ushqyes dhe krijojnë çrregullime në organizëm. Pra, jo më shpesh sesa një ditë në javë dhe jo më gjatë se 24 orë.