Kardio-Retinometria

Vitamina C heq pllakat e kolesterolit në arteriet e syve

Sipas Institutit Kombëtar të Shëndetit në Londër, konsumimi i Vitaminës C bollshëm, rrit ndjeshëm shërimin ndaj sëmundjeve arteriale. Kardio-retinometria diagnostikon, përmes syve, zemrën

 Nga: Dr.Owen R. Fonorow

Duke qënë se sëmundjet arteriale janë shkaku kryesor i vdekjeve në shumë vende të zhvilluara, studiuesit kanë tentuar teknologji të ndryshme për të provuar shkakun dhe ashpërsinë e kësaj sëmundjeje kardiovaskulare. Që kur u zbulua Optalmoskopi i parë në vitin 1851, mjekët ishin të aftë të shihnin në mënyrë të drejtëpërdrejtë arteriet e pjesës së pasme të syrit. Më pas, në fillimet e viteve 1960, mjekët kardiologë zhvilluan një proces duke injektuar bojë në arteriet e gjakut, në mënyrë të tillë , që të mund të shihnin se cilat pjesë të arterieve ishin bllokuar në të gjithë trupin. Angiogramet, siç quhen kujdes, zakonisht nuk kryehen derisa të shfaqen simptoma të sëmundjes arteriale.

Por kur studiuesit e syve zbuluan në Revistën Mjekësore Britanike se ngushtimi i arterieve të vogla në pjesën e prapme të syve paraprin zhvillimin e presionit të lartë të gjakut, kjo hapi një mënyrë të re jo-invazive për të zbuluar sëmundjen e arterieve sistemike. Fotografitë e retinës mund të zbulojnë hipertensionin shumë përpara se të rritet presioni i gjakut. Por, çfarë duhet të bëjnë mjekët me këtë zbulim? Rekomandimi i ilaçeve për të rriturit përpara se të zhvillojnë hipertension nuk do të ishte e këshillueshme.

Dr.Sydney Bush, mjek specialist Optometër në Yorkshir të Londrës, filloi të përdorte teknologjinë e avancuar për fotografitë e retinës se syrit në vitin 1998. Ai shkruajti për gazetën Mjekësia Britanike për parandalimin dhe kurimin e kolesterolit në arteriet e gjakut nëpërmjet Vitaminës C. Vëzhgimet e tij bazoheshin në dy lloje fotografish të enëve të gjakut. Këto janë fotografi perikorneale (të syrit të jashtëm) të regjistruara nga video-biomikroskopia duke përdorur atë që quhet biomikroskop dhe një lloj i dytë i fotografisë arteriale të syrit të brendshëm, fotografisë retinale, duke përdorur kamerën dixhitale elektronike të retinës. Këto pamje janë të afta për zmadhim të madh.

Dr. Bush zbuloi se bombardimi me doza të larta të vitaminës C pati tendencë të eleminonte sëmundjet arteriale dhe e vërtetoi këtë zbulim nëpërmjet fotove të pjesës së pasme dhe përparme të arterieve të syrit. Gjithashtu ai shtoi se dhe muret arteriale që janë tëpër të holla mund të kurohen po nëpërmjet vitaminës C. Zbulimi shkencor i Dr. Bush vërtetoi se sëmundjet e arterieve, sulmet në zemër apo ndërhyrjet koronare mund të shmangen lehtësisht me doza të larta vitamine C! Ai gjykoi se 90% e pacientëve me sëmundje koronare të zemrës mund të kurohen nga një dozë prej 3000 mg vitaminë C në ditë duke ulur kështu sasinë e lartë të kolesterolit në gjak, madje të tjerë kanë nevojë për një sasi prej 10.000 mg vitaminë C në ditë! Studimi arterieve të retinës se syrit duke shërbyer në përmirësimin e shëndetit kardiovaskular u quajt nga Dr.Bush: Kardio-Retinometri. Ai beson se kjo metodë e diagnostikimit do të revolucionarizojë kardiologjinë.

Gjatë praktikës së tij të vendosjes së pacientëve me vitaminë C për të parandaluar ose trajtuar problemet e lenteve të kontaktit, Dr. Bush zbuloi me seriozitet se vitamina C me dozë të lartë përmbysi tendencën për sëmundje arteriale, që shihet në pamjet e jashtme dhe të brendshme të syve dhe ai kishte prova fotografike për ta vërtetuar atë. Letra e Dr. Bush mund të ishte historike. Nëse Dr. Bush është i saktë, miliona goditje në tru, sulme në zemër dhe operacione të arterieve koronare mund të shmangen me plotësim të hershëm me vitaminë C. Dr. Bush e quan këtë qasje të re për shëndetin kardiovaskular nga një studim i enëve të gjakut retinal -KardioRetinometri. Ai thotë se me hulumtime të mëtutjeshme mund të dëshmojnë se është një parashikues më i mirë sesa sistemet e tanishme diagnostikuese.

Por, a është komuniteti mjekësor i gatshëm të përqafojë një teknologji kaq të thjeshtë që mund të parandalojë që shumica e sëmundjeve kardiovaskulare të trajtohen sot? Shifrat në të gjithë botën janë befasuese – 600 milion kanë hipertension. Organizata Botërore e Shëndetit thotë se rreth 20 milion goditje ndodhin çdo vit. Dy milion angiografi kryhen çdo vit në SH.B.A. Pothuajse çdo i rritur mbi moshën 40 është në rrezik për sëmundje arteriale. Angiografia është shumë e shtrenjtë për të qenë një mjet shqyrtimi (~ 2000 $). Fotografitë e retinës së Dr. Bush mund të jenë një përparim me kosto efektive.  Planet e sigurimeve nuk paguajnë për fotot e retinës pa ndonjë tregues. Por publiku mund të përballojë të paguajë, nga xhepi, për të marrë fotografi në retinë të bëra gjatë testit të syve. Përparimi ose regresioni i shëndetit të arteries perikorneale dhe më seriozisht, ngushtimi i arterieve retinale mund të monitorohet. Do t’i duhet botës ca kohë të realizojë atë që ka zbuluar Dr. Bush.

 Sëmundjet e zemrës parashikohen nga shëndeti i enëve të gjakut në sy

Vitamina C mega-dozë është keqkuptuar, thotë Dr. Bush. Me zbulimin se vitamina C ka një gjysmë jetë rreth 30-minuta në trupin e njeriut, një fakt i dokumentuar së fundmi nga dy studiues të tjerë britanikë, Drs. Steve Hickey dhe Hilary Roberts nga Manchester, theksojnë nevojën për të marrë doza të përsëritura të vitaminës C gjatë gjithë ditës për të ruajtur përqendrimet e gjakut. Libri Hickey dhe Roberts, Ascorbate: Science of Vitamin C zbulon që përqendrimet e vitaminës C mund të arrijnë shumë herë më shumë përqendrim, sesa mendohej më parë, një fakt i konfirmuar tani nga vetë studiuesit e Institutit Kombëtar të Shëndetësisë. Një studim më i fundit, sapo i botuar në American Journal of Clinical Nutrition, një analizë e 9 studimeve të mëparshme, konfirmon më tej përdoruesit e Vitaminës C, ata që konsumojnë më shumë se 700 miligram në ditë, kanë një rrezik të zvogëluar 30% për sëmundje koronare të zemrës, krahasuar me jo-përdoruesit e  shtesës.

Ka qenë prej kohësh e njohur, se arteriet e njeriut dobësohen pa vitaminë C dhe pa mbështetjen e nevojshme të ushqyesve të tjerë. Atheroma ose pllaka aterosklerotike të buta, kanë premisë të bllokojnë sidomos enët e holla të gjakut dhe shpesh, bllokimi i enëve të vogla në sy, tregon se ekziston një problem kardiovaskular. Dr. Pauling dhe bashkëpunëtori i tij Dr. Willis konkluduan se formacione të tilla si pllaka, shfaqen më shpesh kur tensioni i gjakut është më i lartë. Atheroma në arteriet mikroskopike në retinë është konstatuar dukshëm nga mjekët e syve, por deri kohët e fundit, ata nuk besonin se ndërtimi i pllakave të kolesterolit në sy, ishte i kthyeshëm. Dr. Sidney Bush Optometrist dhe themelues i Institutit Botëror të Optometrisë dhe Kardio-Retinometrisë nga Mbretëria e Bashkuar, aksidentalisht zbuloi se atheroma mund të kthehet pas në ata pacientë, që marrin nga 3000 mg- 10.000 mg të vitaminës C. Dr. Bush bëri zbulimin e tij duke studiuar infeksionet e syve tek përdoruesit e lenteve të kontaktit. Vitamina C është duke u testuar si një masë parandaluese për këto infeksione. Dr. Bush vënë re se atheroma (domethënë pllakat arterosklertotike në sy) u zhdukën tek pacientët e studimit, që morën vitaminë C.

Mjekët e kanë anashkaluar dhe Optometristët/ Oftamologët nuk e kishin pritur, që Vitamina C do të ketë këtë efekt. Falë Dr.Bush ne tani e dimë se Vitamina C do të ndryshojë gjendjen, në kohë të shkurtër në dozën optimale 2 vjet. Enët perikorneale janë një “barometër” relativisht i lehtëlexueshëm i mangësisë në Vitaminë C, kur shikohen nëpërmjet bio-mikroskopit. Sipas gjendjes që paraqesin arteriolat perikorneale (të kornesë së syrit) dhe kapilarët e syrit bëhet vlerësimi i saktë se sa shumë ose pak vitaminë C i duhet pacientit. Në sy mjeku mund të lexojë edhe se sa pak perime antioksidante konsumon pacienti i tij.

Me shtimin e Vitaminës C sëmundjet do të bien

Dr.Bush pretendon se kur u publikua libri i Dr. Linus Pauling “ Vitamina C dhe Ftohja e Përgjithshme” në vitin 1997, konsumimi i vitaminës C u rrit me 300% dhe shkalla e sëmundjeve kardiovaskulare , pas kësaj filloi të bjerë ndjeshëm. “Kjo mund të fillojë të ndodhë përsëri në të gjithe njerëzimin, në një masë akoma me të gjerë. Imagjinoni një botë pa “plagën” e sëmundjes kardiovaskulare dhe pa frikën e humbjes së shikimit. Tani duket brenda mundësive…”